நடக்கப் பழகிய பறவை

தாய் மடியையும் தாய் மண்ணையும் விட்டு விட்டு வெளியூரில்/வெளிநாட்டில் தூக்கத்தைத் தேடும் ஒவ்வொரு சகோதர சகோதரிக்கும் இந்த உணர்வுப் பதிவு சமர்ப்பணம்...
-----------------------------------------------------------------------------------
எந்திரிடா நேரமாச்சு 
எனும் அப்பாவின் கடிதலில் இருந்த பாசம்
இன்று என் போன் அலாரத்தில் 
இல்லை

கொஞ்சம் சாப்டுட்டு போடா எனும்
அம்மாவை உதாசினப்படுத்தியது போல்
இன்று என் காசில் வாங்கிய உணவை 
உதாசினப்படுத்த மனம் வரவில்லை
இங்கயே எதாச்சும் வேலை பாரு பா என்று
நீங்கள் அன்று என் கை பிடித்து அழுத நியாபகம் 
அந்த ஒருநாளைத் தவிர தினம் தினம் வலிக்குதம்மா
என்ன டிரஸ் எடுத்துருக்க நல்லாவே இல்ல 
என்று நான் அன்று தூக்கி எறிந்த 
பெற்றோரின் பிறந்த நாள் பரிசு
இன்று எங்க அம்மா அப்பா 
நான் காலேஜ் படிகுறப்போ எனக்காக வங்கி தந்த டிரஸ் என்று
பிறரிடம் காட்டும் போது கண்ணீர் கன்னத்தில் அறைகிறது
அன்று நீங்கள் ஒரு அடி அடித்து விட்டிர்கள் 
என்பதற்காக சாப்பிடாமல் நான் தூங்கினேன்
பிள்ள பசி தாங்க மாட்டாங்க என்று 
நீங்கள் இரவெல்லாம் தூங்கவில்லை
இன்று என்னை அசிங்கமாக திட்டிய 
அலுவலக மேலாளர் வீட்டில் விருந்து 
யோசிக்காமல் எனக்கு முன் 
எனது ரோசக்கார நாக்கு சென்று விட்டது
எனக்கு ஒரு நேரம் வரும் 
அப்போ உன்ன பாத்துகிறேன் 
என்று பொய் சண்டை போட்டு வந்த உடன் பிறப்புகளை
உடன் அழைத்து வந்து உண்மையான பாசம் காட்ட 
எனக்கு வாய்ப்புகள் இல்லை
கிழவி நீ எப்போதான் சாவ 
என்று என்னால் சபிக்கப்பட்ட பாட்டியிடம்
நான் அடுத்து வரும் போது கண்டிப்பா நீ இருக்கனும் 
உனக்கு புது கண்ணாடி வாங்கிட்டு வரேன்னு 
போனில் பொய் சொல்லி கண்கலங்காத நேரங்கள் இல்லை
சீ இதெலாம் ஊரானு கேட்டேன் அன்று
இன்று எங்க ஊரு இப்படித்தான் இருக்கும் 
என்று புகைப்படங்களுடன் மார் தட்டுகிறேன்
என்னடா இருமுற 
உடம்பு சரி இல்லையா எனும் உங்களிடம்
ரோட்ல புகை அதிகம் 
அதான் என்கிறேன் அறைக்குள் இருந்து கொண்டு
தினமும் உன்னுடன் ரொம்ப நேரம் பேச வேண்டும் 
என்று ஆசைதான் அம்மா
அழுது விடுவேனோ என்ற பயத்தில்தான் 
எனது சிக்னல் உனக்கு இடையூராகிப் போகிறது
நீங்கள் இவ்வளவு மென்மையனவரா?
ஒரே கேள்வியை இரு கைபேசிகள் 
ஒரே நேரத்தில் இருவேறு நபர்களிடம் 
அவர்களின் கண்ணீர் பட்டதும் கேட்டது
என்னிடமும் என் அப்பாவிடமும் அழைப்பை துண்டித்த பிறகு
யாரும் என்கூட பேச வேணாம் 
என்ன தனியா விடுங்க 
என்று கத்தி விட்டு 
அறைகளுக்குள் புகுந்ததாலோ என்னவோ
இன்று அறைகளின் சுவர்களிடமே அதிகம் பேசுகிறேன்
பசி அழுகை தனிமை எப்படி இருக்கும் 
என்று கூட நீங்கள் எனக்கு காட்டியதில்லை
இன்று வயிறு வலிக்கிறதா இல்லை 
பசிக்கிறதா என்பதை புரிந்து கொள்ளவே 
எனக்கு சில மாதங்கள் தேவைப் பட்டது
பணம் பேர் புகழ் அனைத்தையும் 
அடைந்த மகிழ்ச்சியுடன் 
நான் வாழ்க்கையை கர்வமாக திரும்பி பார்க்கும் போது
நான் தவற விட்ட என் குடும்பத்தின் 
தருணங்களை கையில் ஏந்திக் கொண்டு 
வாழ்க்கை என்னை ஏளனமாகப் பார்த்துச் சிரிக்கிறது
நடந்து பழகுவதற்கு சிறகுகளை விற்ற பறவையாக நான்.
-அருள்

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தங்கை என்னும் உயிர்ச்சொல்

படம்
தேவதைகள் வானில் தோன்றி பூமியில் விழுந்து மறையும் என்பார்கள் பாவம் அவர்கள் யாருக்கும் ஒரு தங்கை இல்லை என்று நினைக்கிறேன் ஒரு சின்ன ஏக்கம் எப்போதும் உண்டு நாம் இருவரின் குழந்தைப் பருவங்களும் வேறு வேறு ஆனால் உன்னருகில் நான் இருக்கும் போதெல்லாம் என்னை குழந்தையாக மாற்றி விடுகிறாயே? பொதுவாக ஆண்கள் மனைவி வந்த பிறகுதான் கண்ணன் அவதாரம் துறந்து ராமன் அவதாரம் எடுப்பார்கள் ஆனால் என்று உன்னை உணர்ந்தேனோ அன்றே ராமன் ஆனேன் ஆம்! அனைத்து பெண்களும் யாரோ ஒருவருடைய தங்கை தானே முத்தம், அரவணைப்பு, மடியில் துயில்தல், மார்பில் சாய்தல், தோளில் துவளல், கரம் கோர்த்தல், முடி கோவுதல், பாதம் வருடல் இவையெல்லாம் அன்னை, மனைவி சார்ந்த இரு பரிமாணங்களே ! ஆனால் முதல் முதலில் முப்பரிமாணம் நீ, ஒரு ஆச்சரியம்தான் ஆண் என்ற கர்வம் எப்போதும் எனக்குள் உண்டு உன் விசயத்திலும் அது விதி விலக்கில்லை ஆனால், உன்னிடம் நான் கொள்ளும் கர்வம் நீ அடிக்கும் போது வலி மறந்து நடிக்கும் போது மட்டுமே சீக்கிரம் உன் நகங்களின் நீளத்தை குறைக்க வேண்டும் மூடர்களின் வாக்கு, சகோதரி என்பவள்  உன் தந்தையின் ரத்தம் என்பது ரத...
மேலும் படிக்கவும்

ஆயிரம் முத்தங்கள்

படம்
அன்று ஆம் அதே அன்று  அவளை முதல் முறை கண்ட கல்லூரியின் முதல் நாள் என் வாழ்க்கையை மாற்றப் போகும் அந்த முதல் நாள் அந்த முதல் பார்வைத் தீண்டலில் தெறித்துச் சிதறியது ஆயிரம் முத்தங்கள் பார்வைத் தாக்குதலில் சற்று பதறிப் போன  நான் நிலை கொண்டது என்னவோ நிலை இல்லாத இடை அசைவில்தான் கணிதத்தின் வடிவங்களில்  எரிச்சல் அடைந்த எனக்கு அந்த வளைவுகள் தான் ஆயிரம் முத்தங்கள் சொட்டச் சொட்ட கனி ரசம் இருந்தும் அதை எட்ட எட்டத் தள்ளி வைக்கும் அந்த இரக்கமற்ற நாட்களில் உன் நுனி விரல் தீண்டல் தான் எனக்கு ஆயிரம் முத்தங்கள் தோழி மட்டுமே நான் என்று நீ பொய் உரைக்க வேலிக்குள் வேகும் என் இதயம் ம்ம்ம் என்று தலை அசைக்க உன் கண்களின் ஓரம் நான் கண்ட காதலில் என் மேல் விழுந்து விலகி ஓடியது ஆயிரம் முத்தங்கள் உடலில் ஒரு தலை போதும் உயிரைத் தாங்க காதலில் ஒரு தலை போதும் உயிரை வாங்க மரணம் வரும் தருவாயில் எல்லாம் எனக்கு உயிர் பிச்சை அளித்த உன் துப்பட்டாத் தீண்டல்கள் தான் ஆயிரம் முத்தங்கள் அந்த நாள் ஆம் அதே நாள் என்னுள் தேக்கி வைத்திருந்த அத்தனைக் காதலையும் நீ கரை உடைத்...
மேலும் படிக்கவும்

பசலை

படம்
தமிழை விட காதலை அழகு படுத்த எந்த மொழியால் முடியும். காதலையும் வீரத்தையும் அல்லவா எங்கள் முன்னோர்கள் இரு கண்களாக கருதினார்கள். அப்படிப்பட்ட தமிழ் வழித் தோன்றிய இலக்கியங்களுள் காதலை அடிப்படையாக வைத்து எழுதப்பட்ட இலக்கியங்கள் ஏராளம். காதல் ஒரு விசித்திர மிருகம் அது அணைத்தாலும் இனிக்கும் அடித்தாலும் இனிக்கும். அப்படிப் பட்ட காதல் துயர் தமிழ் இலக்கியங்களில் அதிகம் பெண்களையே தாக்குகிறது. அதிர்ஷ்டசாலிகள் அவர்கள் காதலின் இருமுக இன்பங்களையும் அனுபவிக்கிறார்கள். "பசலை" ஒரு அழகிய துயரத் தை குறிக்கும் சொல். காதலனை பிரிந்த காதலி அவன் பிரிவை எண்ணி எண்ணி ஏங்கி அவள் அழகிழந்து, பொலிவிழந்து அவன் வருகையை மட்டுமே எதிர்பார்த்து காத்துக் கொண்டிருப்பாள். அப்படி அவள் வாடும் நிலையை "பசலை நோய்" என்று குறிப்பிடுகின்றன சங்க இலக்கியங்கள். நோய் என்றால் மருந்து வேண்டும் அல்லவா இதற்கும் மருந்து உண்டு காடுகளில் உள்ள மூலிகைகளில் அல்ல. காதலனது மூச்சில் அவன் பேச்சில் அவன் அரவணைப்பில். இந்தக் கவிதையில் வரும் காதலியின் காதலன் அவளைப் பிரிந்து சென்று இருக்கின்றான். அவளை பசலை நோய் தாக்கி விட்டது. அவள் ...
மேலும் படிக்கவும்