தேவதையை காதலிப்பவர்கள் கவனத்திற்கு

என் வீட்டிற்க்கு முதல் முறை வந்த அவள்...

இரு கைகள் நீட்டி அவள் பாதம் ஏந்திய வாசல்
எதார்த்தமாய் எட்டிப் பார்பது போல் 
ஜன்னல் வழி வந்த தென்றல்

அவள் அமர்வதற்கு ஏதுவாய் தன்னைச் 
சரி செய்து கொண்ட நாற்காலி
அதனைப் பொறாமையுடன் பார்த்து ஆடும் ஊஞ்சல்
இன்னும் அவளை வேகமாக தீண்ட வேண்டும் 
என்ற கோரிக்கையுடன்மின்விசிறியை 
கெஞ்சும் காற்று
அவள் முகம் கழுவப் போனதும் 
கேலியாக என்னைப் பார்த்து சிரித்தபடியே 
மூடும் குளியலறைக் கதவு
கடலில் கலக்கப் போன கங்கை நதியை 
கர்வமாக தாண்டிச் சென்று சொர்க்கத்தில் கலந்த 
அவள் முகம் கழுவிய நீர்
அவள் முகம் துடைக்க முன்னால் வர வேண்டும் 
என்று அலமாரிக்குள் போர் புரிந்து 
வென்று என் கையில் சிக்கிய துணி
எதிர் பாராத அவள் சமையலறை நுழைவில் 
சட்டென்று சிலாகித்து 
விசில்அடிக்கும் குக்கர்
சாப்பிட அவள் தரையில் அமர்ந்ததை சற்றும் 
எதிர்பார்க்காமல் ஆனந்த கண்ணீரில் 
சில்லென்று ஆன என் வீட்டுத் தரை
சாப்பாடு வருவதற்குள் எப்படியும் அவளை ஒரு முறை 
அருகில் பார்க்க வேண்டும் என்ற முயற்சியில் 
வெற்றி அடைந்த பளபளக்கும் தட்டு
சொர்க்கத்திற்க்குச் செல்லப் போகும் 
மகிழ்ச்சியில் அழகழகாக 
அணிவகுத்து நின்ற உணவுகள்
அவள் விரலில் இருந்து தானாக தவறி விழுந்து 
உயிர்த் தியாகம் செய்த 
பச்சை மிளகாய்
அவள் சாப்பிட்டு விட்டு எழுந்ததும் 
கதறி அழுது நீரில் அடித்துச் செல்லப்பட்ட 
சில சபிக்கப்பட்ட பருக்கைகள்
அவள் பார்த்ததும் என் அறை என்று தெரிய வேண்டும் 
என்று நெடுங்காலமாக திட்டம் போட்டு 
என் அறைக்குள் ஒழுங்கின்றி கிடந்த பொருள்கள்
நான் உள்ளே வந்ததும் அடைத்து விட்டேன் 
என்ற பொறாமையில் அவளைநான் நெருங்கும் போது 
என் தாயின் குரலில் என்னை அழைத்த என் அறைக் கதவு
யாருக்கும் தெரியாமல் அவள் எனக்காக 
என் அறைக்குள் ஒளித்து வைத்த பரிசை 
எப்படியும் களவாடி விட வேண்டும் என்று பதட்டத்தில் பறந்த குப்பைகள்
போய் வருகிறேன் என்று அவள் கூறிய போது 
மின்சாரம் தடை பட்டு என்னைப் போல் 
வாய் அடைத்துப் போன என் வீடு
அவளை வழி அனுப்பும் போது 
வாசலில் நான் பெற்ற நெற்றி முத்தத்தை 
எப்படியோ நுகர்ந்து என் தலையில் தட்டிய 
என் வீட்டு வாசல்
என்னைப் போல் தேவதையை காதலிப்பவர்கள் கவனத்திற்கு
உங்கள் காதலுக்கு எதிரி வெளியில் இல்லை.
-அருள்

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தங்கை என்னும் உயிர்ச்சொல்

படம்
தேவதைகள் வானில் தோன்றி பூமியில் விழுந்து மறையும் என்பார்கள் பாவம் அவர்கள் யாருக்கும் ஒரு தங்கை இல்லை என்று நினைக்கிறேன் ஒரு சின்ன ஏக்கம் எப்போதும் உண்டு நாம் இருவரின் குழந்தைப் பருவங்களும் வேறு வேறு ஆனால் உன்னருகில் நான் இருக்கும் போதெல்லாம் என்னை குழந்தையாக மாற்றி விடுகிறாயே? பொதுவாக ஆண்கள் மனைவி வந்த பிறகுதான் கண்ணன் அவதாரம் துறந்து ராமன் அவதாரம் எடுப்பார்கள் ஆனால் என்று உன்னை உணர்ந்தேனோ அன்றே ராமன் ஆனேன் ஆம்! அனைத்து பெண்களும் யாரோ ஒருவருடைய தங்கை தானே முத்தம், அரவணைப்பு, மடியில் துயில்தல், மார்பில் சாய்தல், தோளில் துவளல், கரம் கோர்த்தல், முடி கோவுதல், பாதம் வருடல் இவையெல்லாம் அன்னை, மனைவி சார்ந்த இரு பரிமாணங்களே ! ஆனால் முதல் முதலில் முப்பரிமாணம் நீ, ஒரு ஆச்சரியம்தான் ஆண் என்ற கர்வம் எப்போதும் எனக்குள் உண்டு உன் விசயத்திலும் அது விதி விலக்கில்லை ஆனால், உன்னிடம் நான் கொள்ளும் கர்வம் நீ அடிக்கும் போது வலி மறந்து நடிக்கும் போது மட்டுமே சீக்கிரம் உன் நகங்களின் நீளத்தை குறைக்க வேண்டும் மூடர்களின் வாக்கு, சகோதரி என்பவள்  உன் தந்தையின் ரத்தம் என்பது ரத...
மேலும் படிக்கவும்

ஆயிரம் முத்தங்கள்

படம்
அன்று ஆம் அதே அன்று  அவளை முதல் முறை கண்ட கல்லூரியின் முதல் நாள் என் வாழ்க்கையை மாற்றப் போகும் அந்த முதல் நாள் அந்த முதல் பார்வைத் தீண்டலில் தெறித்துச் சிதறியது ஆயிரம் முத்தங்கள் பார்வைத் தாக்குதலில் சற்று பதறிப் போன  நான் நிலை கொண்டது என்னவோ நிலை இல்லாத இடை அசைவில்தான் கணிதத்தின் வடிவங்களில்  எரிச்சல் அடைந்த எனக்கு அந்த வளைவுகள் தான் ஆயிரம் முத்தங்கள் சொட்டச் சொட்ட கனி ரசம் இருந்தும் அதை எட்ட எட்டத் தள்ளி வைக்கும் அந்த இரக்கமற்ற நாட்களில் உன் நுனி விரல் தீண்டல் தான் எனக்கு ஆயிரம் முத்தங்கள் தோழி மட்டுமே நான் என்று நீ பொய் உரைக்க வேலிக்குள் வேகும் என் இதயம் ம்ம்ம் என்று தலை அசைக்க உன் கண்களின் ஓரம் நான் கண்ட காதலில் என் மேல் விழுந்து விலகி ஓடியது ஆயிரம் முத்தங்கள் உடலில் ஒரு தலை போதும் உயிரைத் தாங்க காதலில் ஒரு தலை போதும் உயிரை வாங்க மரணம் வரும் தருவாயில் எல்லாம் எனக்கு உயிர் பிச்சை அளித்த உன் துப்பட்டாத் தீண்டல்கள் தான் ஆயிரம் முத்தங்கள் அந்த நாள் ஆம் அதே நாள் என்னுள் தேக்கி வைத்திருந்த அத்தனைக் காதலையும் நீ கரை உடைத்...
மேலும் படிக்கவும்

பசலை

படம்
தமிழை விட காதலை அழகு படுத்த எந்த மொழியால் முடியும். காதலையும் வீரத்தையும் அல்லவா எங்கள் முன்னோர்கள் இரு கண்களாக கருதினார்கள். அப்படிப்பட்ட தமிழ் வழித் தோன்றிய இலக்கியங்களுள் காதலை அடிப்படையாக வைத்து எழுதப்பட்ட இலக்கியங்கள் ஏராளம். காதல் ஒரு விசித்திர மிருகம் அது அணைத்தாலும் இனிக்கும் அடித்தாலும் இனிக்கும். அப்படிப் பட்ட காதல் துயர் தமிழ் இலக்கியங்களில் அதிகம் பெண்களையே தாக்குகிறது. அதிர்ஷ்டசாலிகள் அவர்கள் காதலின் இருமுக இன்பங்களையும் அனுபவிக்கிறார்கள். "பசலை" ஒரு அழகிய துயரத் தை குறிக்கும் சொல். காதலனை பிரிந்த காதலி அவன் பிரிவை எண்ணி எண்ணி ஏங்கி அவள் அழகிழந்து, பொலிவிழந்து அவன் வருகையை மட்டுமே எதிர்பார்த்து காத்துக் கொண்டிருப்பாள். அப்படி அவள் வாடும் நிலையை "பசலை நோய்" என்று குறிப்பிடுகின்றன சங்க இலக்கியங்கள். நோய் என்றால் மருந்து வேண்டும் அல்லவா இதற்கும் மருந்து உண்டு காடுகளில் உள்ள மூலிகைகளில் அல்ல. காதலனது மூச்சில் அவன் பேச்சில் அவன் அரவணைப்பில். இந்தக் கவிதையில் வரும் காதலியின் காதலன் அவளைப் பிரிந்து சென்று இருக்கின்றான். அவளை பசலை நோய் தாக்கி விட்டது. அவள் ...
மேலும் படிக்கவும்